أنــــواع الكـــابــلات

الكابـــلات 4 أنواع:

1. A/V Cable
2. Coaxial Cable
3. UTP Cable
4. Fiber Optics

1) A/V Cable

أول نوع هنتكلم عنه هو A/V Cable، وده كابل التليفزيون العادي الموجود فى البيت اللي بيوصل التليفزيون بالرسيفر.

الكابل ده أحيانًا بيستخدم فى الكاميرات بس قليل جدًا لأنه ضعيف فى نقل الإشارة، وفى حالة توصيله على الكاميرا بنحتاج محول RCA to BNC أو العكس.

2) Coaxial Cable

أما النوع التانى الـ Coaxial Cable فهو من أكثر الكابلات اللي بتستخدم فى تركيب كاميرات المراقبة.

الكابل ده بيتميز إن أسعاره متوسطة وبيوصل الداتا لمسافات متوسطة أو طويلة تتراوح ما بين 150 م إلى 400 م.

3) UTP Cable

بالنسبة للنوع الثالث هو الـ UTP Cable، وده كابل الشبكة العادي سواء كان Cat5 أو Cat6.

وبيستخدم أكتر فى كاميرات الـ IP.

4) Fiber Optics

آخر نوع معانا هو الـ Fiber Optics، وده بيتميز بسرعة نقل البيانات وبيوصل لمسافات بعيدة جدًا.

وده اللي بيستخدم لتوصيل خطوط الانترنت بين الدول.