فيه سرعات انترنت عالية جديدة نزلت الفترة دي من بعض شركات الانترنت، و حسب نوع كل خط هتقدر تحدد اقصي سرعة ممكن يستحملها خطك، وعشان كده قررنا نوضحلكوا الفرق ما بين الانواع دي.
1) ADSL
اول نوع اسمه ADSL وده بيبقي خط نحاسي من البيت لحد السنترال، ومتوسط سرعته بتكون 8 ميجا، وده اللي كان في بيوتنا من حوالي خمس سنين قبل ما المصرية للاتصالات تبدأ تطور البنية التحتية بتاعتها.
2) ADSL2+
تاني نوع بقي اسمه ADSL2+ وده اللي في اغلب بيوتنا دلوقتي، وبيبيقي خط نحاسي من البيت لحد كابينة المصرية للاتصالات، وفايبر من الكابينة لحد السنترال.
اقصي سرعة نظرية ممكن يوصلها هي 24 ميجا، وعمليا اقصي سرعة للخط ده بتبقي من 16 إلى 20 ميجا.
3) VDSL
اما بالنسبة لتالت نوع واللي اسمه VDSL فهو خط نحاسي زي الـ ADSL2+ بالظبط، بس الفرق ان ده بيحتاج كروت VDSL بتركب في الكابينة الخاصة بالمصرية للاتصالات، ده غير انه بيحتاج راوتر بيدعم الـ VDSL.
ميزة التكنولوجيا دي ان اقل نوع فيها سرعته بتوصل ل 54 ميجا، واعلي نوع حتي الان سرعته بتوصل 300 ميجا.
4) FTTH
رابع نوع و الاخير اسمه FTTH وده عبارة عن خط فايبر من السنترال لحد البيت.
وده بيبقي متوسط سرعته 100 ميجا، وفيه بعض الانواع من الـ FTTH اللي سرعتها بتوصل ل 1000 ميجا واكتر كمان.
الخلاصة
- ADSL مناسب للسرعات الأقل.
- ADSL2+ أفضل من ADSL ويصل عمليًا إلى 16 – 20 ميجا.
- VDSL أسرع ويحتاج راوتر وكروت تدعم التقنية.
- FTTH هو الأعلى في السرعة لأنه فايبر حتى البيت.